Romanes

Tafel-web.jpg

Khamle Deja-len te Dada –lern, te starteljuri!
Laće avilen ando foro Köln!

Sa e ćavore katar e 6 berš ži ke 16 berš musaj te žan ande sikavdi.
Eke tumenge e informacije so trubun te bi šaj žana tumaren ćavore ande sikavdi.
Amenge si po ilo te aven ži amende po vakaripe.
Amenge e manušenge so keras buki ando komunalno integrativno centar mangsa te tumen aven amende (Kommunales Integrationszentrum).

So trbun te keren

1. Tumen trubun te mujen amen ando komunalno integrativno centar. O telefunsko numero si (0221) 221 29291. Kote ando komunalno integrativno centar pala efta žive ka len invitazija/ poziv te šaj žan amende ando komunalno integrativno centar po savijetno/ konzultativno vakaripe.


2. Pe gova termin trubun aven vi tumenca tumare ćavore. Amen mangas tumen, te šaj te anen tumenca tumaro pasaporto/ pasoši te tumaro lil kaj sen prijavime/ registruvime/ tumari prijavnica. Te si tumen e diplome tumare ćavorendar kaj gele ande sikavdi, mangas tumen, anen vi gola lila tumenca.


3. Te šaj, aven varse manušnjasa vi manušesa kaj žanel hanci njemaćki/ e germansko ćib. E maušnja te e manuša kaj keren buki ando komunalno integrativno centar von žanen varse ćiba.

Ando komunalno integrativno centar


4. E manušnja te e manuša ando komunalno integrativno centar von ka den vorba tumenca, von ka pućen pala o datum kana si tumare ćavore bijande, gasavi ćib tumare ćavore žanen te den vorba, te gaći vreme sas tumare ćavore ande sikavdi.


5. E manuša mangen te žanen, te li žanen o ni žanen tumare ćavore te den vorba germansko/ njemaćko ćib.
Ando foro Köln si specijalne klase, kaj kote sikol pe but e njemaćko/ germansko ćib. Sa e informacije pala gola klase te pala e sikavde ka len kana ka aven te den amenca vorba. O komunalno integrativno centar ka bićalel sa e informacije pala tumare ćavore ko foro Köln ke gova than kaj si pala e edukacija/ pala e sikavde thana.

So ka avel pala amaro vakaripe tumenca


6. Tumen ka len ande gova vreme o termin katar o centar pala o sastipe kaj trubuj te kerdolpe kontrola/ o sistematski pala o sastipe tumaro ćavorengo. Trubuj te kerdolpe goja kontrola, te sa jehk ćavoro žal pe kontrola pala po sastipe, majanglal so lel te žal ande sikavdi. Te šaj len o termin ando centar pala o sastipe ka ažutil tumen amaro komunalno integrativno centar.


7. O foro Köln te lengi administarcija kaj si pala e edukacija, pala e sikavne tana ka bićalel tumenge o lil kote si ramome ando lil ande gasavi sikavdi tumare ćavore šaj žan.


8. Kana ka resel o lil katar e administracija pala e edukacija te vi tumare ćavore sas ando centar pala o sastipe pe kontrola, šaj žan tumare ćavore ande sikavdi, našti žan majanglal.
Mangas tumenge but bahatalipe!

Mothovas tumenge o drom sar šaj resen ži amende

E adresa katar o komunalno integrativno centar: Rheingasse 11, 50676 Köln.
Trubuj tumen termin te bi avena ži amende te den vorba amenca. Mangas tumen te mujen amen po telefuno. Amaro telefunsko numero: 0221/ 221 29 292.

Sar te maraken amen? Trubun te žan ži ke stanica kaj mujel pe „ HEUMARKT“. Kote ka diken jek pivara kaj mujel pe „ MALZMÜHLE“. Pe lijevo/ bangi rig si jek cikno drom, mujel pe „BÖRSENGÄSSCHEN“. Kotar ka resen ande Rheingasse. O drom Rheingasse 11 si direktno pe lijevo/ bangi rig. Amare kancelarije si telune/ po prizemlje.